COVID-19 ဖြစ်ပွားမှု အာဆီယံ၌ မြန်မာနိုင်ငံ အဆင့် (၄) နေရာတွင်ရှိနေ

 မြန်မာနိုင်ငံသည် COVID-19 ဖြစ်ပွားမှုသည် အာဆီယံနိုင်ငံများ၌ အဆင့် (၄) နေရာတွင် ရှိနေကြောင့် ကမ္ဘာ့ကျန်းမာရေးအဖွဲ့၏ စာရင်းများအရသိရသည်။

ဖေဖော်၀ါရီလအကုန်ထိ အင်ဒိုနီးရှားနိုင်ငံတွင် ၁၃၃၀၀၀၀ ကျော်၊ ဖိလစ်ပိုင်နိုင်ငံတွင် ၅၇၆၀၀၀ ကျော်၊ မလေးရှားနိုင်ငံ၌ ၃၀၀၀၀၀ ကျော်၊ မြန်မာနိုင်ငံတွင် ၁၄၀၀၀၀ ကျော်၊ စင်ကာပူနိုင်ငံတွင် ၅၉၀၀၀ ကျော်၊ ထိုင်းနိုင်ငံတွင် ၂၅၀၀၀ ကျော်၊ ဗီယက်နမ်နိုင်ငံတွင် ၂၄၀၀ ကျော်၊ ကမ္ဘောဒီးယားနိုင်ငံတွင် ၈၀၀ ကျော်၊ ဘရူနိုင်းနိုင်ငံတွင် ၁၈၀ ကျော်၊ လာအိုနိုင်ငံတွင် ၄၅ ဦးရှိကြောင်း သိရသည်။

ဖေဖော်ဝါရီလ ရက်သတ္တပတ်များအတွင်း မြန်မာနိုင်ငံအပါအဝင် အရှေ့တောင်အာရှနိုင်ငံများတွင် COVID-19 ရောဂါကူးစက်ခံရသူ လူနာသစ်တွေ့ရှိမှု ၁၃ ရာခိုင်နှုန်းခန့် ကျဆင်းသွားကြောင်း ကမ္ဘာ့ကျန်းမာရေးအဖွဲ့က ဖေဖော်ဝါရီ ၁၆ ရက်တွင် ထုတ်ပြန်သည့် အပတ်စဉ်စာရင်းဇယားတွင် ဖော်ပြထားချက်အရ သိရသည်။

အရှေ့တောင်အာရှတွင် ဗိုင်းရပ်စ်ကူးစက်မှုနှုန်းနှင့် သေဆုံးမှုနှုန်း ဒုတိယအမြင့်ဆုံးဖြစ်သည့် ဖိလစ်ပိုင်တွင် မနီလာနှင့် ပြည်နယ်အများအပြားကို ကာလကြာရှည်တင်းကျပ်သော Lock down များ ချမှတ်ထားသည့်အတွက် စီးပွားရေးထိခိုက်နစ်နာနေသည်။

ထိုင်းနိုင်ငံတွင် ဖေဖော်ဝါရီ ၂၈ ရက်၌ ကိုရိုနာဗိုင်းရပ်စ်ကာကွယ်ဆေး ထိုးနှံမှုအစီအစဉ် စတင်ခဲ့ပြီး ကာကွယ်ဆေး ဦးစားပေး ထိုးနှံပေးမည့်စာရင်းတွင်ပါဝင်သော ဝန်ကြီးများ၊ ကျန်းမာရေးအရာရှိများနှင့် ဆေးဘက်ဆိုင်ရာ ကျွမ်းကျင်သူများကို ကာကွယ်ဆေး ထိုးနှံပေးလျက်ရှိသည်။ 

 COVID-19 ကမ္ဘာ့ကပ်ရောဂါသည် ကမ္ဘာ့နိုင်ငံအနှံ့တွင် ကူးစက်ဖြစ်ပွားမှုနှင့် သေဆုံးမှု ကျဆင်းလာပြီး ရောဂါဖြစ်ပွားသူ ၁၁၁ သန်းကျော်နှင့် သေဆုံးသူ ၂၄ သိန်း ကျော်ရှိလာကြောင်း ကမ္ဘာ့ကျန်းမာရေးအဖွဲ့မှ ရရှိသည့် အချက်အလက်အရ သိရသည်။

 

 

 

သတင်းအပြည့်အစုံဖတ်ရန်