နယ်သတင်းထောက် အပေါ် ပြစ်ဒဏ် ချမှတ်ချက်အား မီဒီယာများ ရှုတ်ချ

မီဒီယာလွတ်လပ်ခွင့်အတွက် သတင်းထောက်များ လမ်းလျှောက် ဆန္ဒထုတ်ဖော်ကြစဉ် (ဓာတ်ပုံ – ဧရာဝတီ)

Daily Eleven သတင်းစာ၏ ကယားပြည်နယ် လွိုင်ကော်မြို့မှ နယ်သတင်းထောက်ကို ပြစ်မှုဆိုင်ရာ ဥပဒေများဖြင့် ငွေဒဏ်သာ ချမှတ်နိုင်သည့် ပြစ်မှုများကို ထောင်ဒဏ်အထိ အရေးယူ အပြစ်ပေးခြင်းသည် တရားရေး မဏ္ဍိုင်၏ လုပ်ပိုင်ခွင့်များကို အသုံးချပြီး သတင်း လွတ်လပ်မှုများကို သတိပေး၊ ထိပါးလိုက်ခြင်း ဖြစ်ကြောင်း သတင်းမီဒီယာ လုပ်ကိုင်သူ တချိူ့က ရှုတ်ချလိုက်သည်။

လွိုင်ကော်မြို့ခံ နယ်သတင်းထောက် နော်ခိုင်ခိုင်အေးချို (ခ) မခိုင်ကို လွိုင်ကော် မြို့နယ် ဒုတိယ တရားသူကြီးမှ ပြစ်မှုဆိုင်ရာ ပုဒ်မ ၄၅၁ အရ ထောင်ဒဏ် ၃ လ၊ အသရေဖျက်မှု ပုဒ်မ ၅၀၀ ဖြင့် ထောင် ၁ လနှင့် ပြစ်မှုပုဒ်မ ၂၉၇(ခ) အရ ထောင် ၁ လတို့ကို တပေါင်းတည်း ကျခံစေရန် ဒီဇင်ဘာ ၁၇ ရက်က အမိန့် ချမှတ်ခဲ့သည်။

ဖြစ်စဉ်မှာ သတင်းထောက် မခိုင်သည် လွိုင်ကော်မြို့ရှိ ဒေသခံ တဦးနှင့်အတူ ယင်းဒေသခံ၏ ရှေ့နေ ဒေါ်အေးအေးဖြိုးထံသို့ ရှေ့နေခပေးရန် အတူလိုက်သွားခဲ့ပြီး ဒေသခံမှ ရှေ့နေခ မပေးနိုင်မှုကို တောင်းပန်နေစဉ် မခိုင်မှ ၎င်းသည် Eleven သတင်းစာ၏ သတင်းထောက်ဖြစ်ကြောင်း၊ သတင်း စုံစမ်း မေးမြန်းခွင့်ပြုရန် ခွင့်တောင်းသည့်အခါ ဒေါ်အေးအေးဖြိုးက ခွင့်ပြုခဲ့သည်။ မေးမြန်းနေစဉ်အတွင်း “ရှေ့နေခ ဘယ်လောက်ပေးလဲ” ဟု မေးမြန်းချက်ကို စိတ်ဆိုးပြီးနောက် ယခုလို မခိုင်အား တရားစွဲဆို ပြစ်ဒဏ် ချမှတ်သည်အထိ ဖြစ်လာသည်ဟု သိရသည်။

ဖြစ်စဉ်အတွင်း ရှေ့နေ ဒေါ်အေးအေးဖြိုးက ၎င်း၏ဖခင် လွိုင်ကော်ခရိုင် အမျိုးသားဒီမိုကရေစီ အဖွဲ့ချုပ် ဥက္ကဌ ဦးအောင်ရှိန်ကို ခေါ်ယူပြီး သတင်းထောက် မခိုင် အပါအ၀င် ဒေသခံကို နေအိမ်အတွင်းမှ မောင်းထုတ်ခဲ့သည်ဟု ဆိုသည်။အောက်တိုဘာ ၂၉ ရက်တွင် မြို့နယ်တရားရုံး၏ ဆင့်ခေါ်စာ မခိုင်ဆီသို့ ရောက်ရှိ လာခဲ့ကြောင်း၊ ယင်းနောက် တရားရုံး ရောက်သည့်အချိန်တွင် ရှေ့နေ ဒေါ်အေးအေးဖြိုးမှ တရားလို ပြုလုပ်ကာ တရားစွဲဆိုခြင်း ဖြစ်ကြောင်း သိရသည်။

အဆိုပါ ဖြစ်စဉ် ဖြစ်ပွား ပြီးနောက် Weekly Eleven ဂျာနယ်တွင် ဒီဇင်ဘာလအတွင်း “တရားခွင်မှာ တရားသူကြီး အစား ငွေထုပ်ပဲ ရှိလာတဲ့အခါ” ဆိုသည့် သတင်းဆောင်းပါး ဖော်ပြအပြီး ၂ ပတ်ကြာမြင့်ချိန်တွင် ယခုကဲ့သို့ သတင်းထောက် မခိုင်ကို ပိုင်နက်ကျူးလွန်မှု၊ ညစ်ညမ်းစွာ ပြောဆိုမှု၊ အသရေ ဖျက်မှုများဖြင့် ထောင်ဒဏ် ချမှတ်လိုက်ခြင်း ဖြစ်သည်ဟု ဆိုသည်။

“အရင်ကလည်း ဒီလို ပုဒ်မ ၅၀၀ နဲ့ပတ်သက်ပြီး တရားစွဲဆိုမှုတွေ ဖြစ်ခဲ့ပါတယ်။ ဒါပေမယ့် ငွေဒဏ်လောက်နဲ့ ပြီးသွားကြတာချည်းပဲ။ အခုက ထောင်ဒဏ်အထိ အပြစ်ပေးတော့ ကျနော်တော့ နားမလည်တော့ဘူး။ သရေဖျက်မှု ဖြစ်တဲ့ ပုဒ်မ ၅၀၀ ကို လိုသလို လုပ်လို့ရတယ် ဆိုတာမျိုး ပြလိုက်ရာရောက်တယ်” ဟု Eleven သတင်းစာ အယ်ဒီတာချုပ် ကိုဝေဖြိုးက ဆိုသည်။

စွဲချက် တင်ခဲ့သော ပြစ်မှုများကို ပြန်ကြည့်လျှင် ထောင်ဒဏ် အပြစ်ပေးခြင်းသည် အလွန် ပြင်းထန်ကြောင်း၊ အမိန့်ချ မှတ်မှုများမှာလည်း အလွန် မြန်ဆန်စွာ ပြုလုပ်လိုက်ခြင်းကို ကြည့်လျှင် တရားမျှတမှု မရှိကြောင်း၊ လာမည့် ၂၀၁၅ ခုနှစ် ရွေးကောက်ပွဲ ကျင်းပတော့မည့် အနေအထားမျိုးတွင် ယခုကဲ့သို့ သတင်းမီဒီယာများအပေါ် သတင်းယူရာတွင် ထိန်းချုပ်နိုင်စေရန် နမူနာပြုလုပ်သည့် လုပ်ရပ်တခုဟု ယူဆပါကြောင်း ကိုဝေဖြိုးက ဧရာဝတီသို့ ပြောသည်။

“နောက်ပိုင်း ရွေးကောက်ပွဲ အချိန်ဆိုရင် ပိုတောင် ဆိုးသွားမယ့် သဘောမျိုးဖြစ်နေတယ်။ သတင်းထောက်တွေ သတင်း မယူရဲအောင် အုပ်ချုပ်ရေးနဲ့ တရားစီရင်ရေး ကလူတွေက ခြိမ်းခြောက်နေဆဲဆိုတာ သက်သေပြလိုက်တာပဲ” ဟု ၎င်းက ဆိုသည်။

ရန်ကုန်မြို့ ကဲ့သို့ မြို့ကြီးများတွင် အုပ်ချုပ်ရေး၊ တရားစီရင်ရေး မဏ္ဍိုင်များဘက်မှ မီဒီယာများအပေါ် ပူးပေါင်း ဆောင်ရွက်မှုများ ရှိလာသော်လည်း နယ်ဘက် ဒေသများတွင် မီဒီယာများအပေါ် နှိပ်ကွပ်မှုများ ရှိနေသေးကြောင်း၊ ယခု Eleven သတင်းစာမှ သတင်းထောက်ကို ထောင်ဒဏ် အပြစ်ပေးခြင်းကို ကြည်ခြင်းအားဖြင့် နိုင်ငံတော် သမ္မတ ကိုယ်တိုင် ဖွဲ့စည်း ပေးထားသော မြန်မာနိုင်ငံ စာနယ်ဇင်း ကောင်စီ (ယာယီ) ၏ တန်ဖိုးကို ဂရုမစိုက်သော သဘောမျိုး သက်ရောက်နေကြောင်း မြန်မာနိုင်ငံ စာနယ်ဇင်း သမဂ္ဂအဖွဲ့နှင့် မြန်မာနိုင်ငံ စာနယ်ဇင်း ကောင်စီ (ယာယီ) အဖွဲ့ဝင် ဦးဇော်သက်ထွေးက ဧရာဝတီ သို့ ပြောသည်။

နယ်မြို့ဒေသများတွင် အုပ်ချုပ်ရေးနှင့် တရားစီရင်ရေးတွင် သတင်းမီဒီယာများအပေါ် ယခင်အစိုးရ လက်ထက်အတိုင်း အမြင်ကြည်လင်မှု မရှိသေးဘဲ ထိန်းချုပ် လိုစိတ်ရှိနေသေးကြောင်း၊ အဆိုပါ ဖြစ်စဉ်အရ နယ်သတင်းထောက်များကို ကာကွယ်မှုပေးရန် လိုအပ်နေကြောင်း မြန်မာဂျာနယ်လစ်ကွန်ရက်၏ အထွေထွေ အတွင်းရေးမှူး ဦးမြင့်ကျော်က ဧရာဝတီသို့ ပြောသည်။

“နယ်ဘက်တွေက တရားစီရင်ရေးဘက်မှာ နိုင်ငံရေးတွေ ပါနေတယ်။ မီဒီယာက လူတွေကို ကြောက်အောင် လုပ်ထားရမယ်ဆိုတဲ့ အယူအဆတွေ ရှိနေတာကို တွေ့ရတယ်။ ဒေသဆိုင်ရာ အာဏာပိုင်တွေမှာ ဒီလို ညွှန်ကြားချက်များတောင် ရထားသလားဆိုတဲ့ သံသယ ရှိတယ်။ သတင်း လွတ်လပ်ခွင့်အပေါ် သြဇာ သက်ရောက်လိုတဲ့ သဘောမျိုး တွေ့ရတယ်” ဟု ၎င်းက ဆိုသည်။

မိမိတို့ နယ်သတင်းထောက်ကို ယခုကဲ့သို့ ငွေဒဏ်သာ ချမှတ်လေ့ရှိသည့် ပြစ်မှုမျိုးကို ထောင်ဒဏ် ၃ လအထိ ပြင်းထန်စွာ အပြစ်ပေးသည့် ဖြစ်စဉ်နှင့် ပတ်သက်ပြီး လွိုင်ကော်မြို့နယ် ဒုတိယ တရားသူကြီးက အဂတိလိုက်စား၍ ဆုံးဖြတ်ခဲ့ခြင်း ရှိ၊ မရှိ၊ အုပ်ချုပ်ရေး အာဏာပိုင်များနှင့် တရားစီရင်ရေး အာဏာပိုင်များ ၀င်ရောက် စွတ်ဖက် ပါဝင်ခြင်း ရှိမရှိကို စုံစမ်း စစ်ဆေးပေးရန် အတွက် နိုင်ငံတော် သမ္မတ၊ လွှတ်တော်ဥက္ကဌများ၊ တရားသူကြီးချုပ်များ၊ ဒေါ်အောင်ဆန်းစုကြည် တို့ထံ Eleven မီဒီယာက တိုင်ကြားစာ ပေးပို့ကြောင်း သိရသည်။

အဆိုပါ ဖြစ်စဉ်နှင့် ပတ်သက်ပြီး နိုင်ငံတကာ ဂျာနယ်လစ်များအား ကာကွယ် စောင့်ရှောက်ရေး ကော်မတီ (CPJ)၊ နယ်စည်းမခြား သတင်း ထောက်များအဖွဲ့ (RSF)၊ ကမ္ဘာ့ သတင်းစာများနှင့် သတင်းစာ ထုတ်ဝေသူများ အစည်းအရုံး (WAN-IFRA)၊ ကုလသမဂ္ဂ အဖွဲ့အစည်းများ၊ နိုင်ငံတကာ သံရုံးများ အပါအ၀င် ပြည်တွင်း/ ပြည်ပ သတင်းမီဒီယာများ၊ ပြည်တွင်း/ ပြည်ပ ဂျာနယ်လစ် အဖွဲ့အစည်းများထံသို့ Eleven မီဒီယာက အသိပေးစာများ ပေးပို့ခဲ့သည်။

ယင်းအပြင် Eleven မီဒီယာက ယခုကဲ့သို့ မိမိတို့ ဂျာနယ်လစ် တဦးကို မတရား ထောင်ဒဏ် ချမှတ်ခြင်းကြောင့် သတင်း လွတ်လပ်ခွင့်ကို ခြိမ်းခြောက် ထိပါးသည့် အပြင် ကာယကံရှင် သတင်းထောက်နှင့် မိမိတို့၏ ဂုဏ်သိက္ခာကို နစ်နာစေသည့် အတွက် သက်ဆိုင်သူ အားလုံးကို ဥပဒေကြောင်း အရ ဥပဒေနှင့်အညီ တရားစွဲဆိုရန် ဆောင်ရွက်သွားမည်ဟု ကြေညာသည်။

“တဦးဦးရဲ့ လုပ်ဆောင်ချက်တွေကို မီဒီယာတွေက စောင့်ကြည့် နေကြတယ်။ မှန်မှန်လုပ်ကြပါ။ မျှမျှတတ လုပ်ကြပါလို့ သမ္မတကြီးက ပြောထားတာရှိပါတယ်။ ဒီလိုခေတ်ကြီးမှာ စတုတ္ထ မဏ္ဍိုင်အတွက် တာဝန်ယူလုပ်တဲ့၊ မိမိတာဝန်အရ မိမိ လုပ်ကိုင်ရတဲ့ သတင်းထောက် တယောက်ကို ဒီလို ပိုင်နက် ကျူးလွန်မှုနဲ့ တရားစွဲတယ် ဆိုတာ မဖြစ်သင့်ဘူး။ သေသေချာချာ မသိရသေးတော့ ဘယ်သူမှန်တယ်၊ ဘယ်သူမှားတယ် ဆိုတာ မပြောလိုဘူး။ ဒါပေမယ့် ဒီလို အဖြစ်ကတော့ မဖြစ်သင့်ဘူး။ ဖြစ်စဉ် အပေါ် သုံးသပ်ပြောတာ မဟုတ်ပါဘူး။ သတင်းထောက် တယောက်ရဲ့ သတင်းရယူခွင့်ထဲက ဆိုရင်တော့ ဒါမျိုး မဖြစ်သင့်ဘူး” ဟု အမျိုးသားဒီမိုကရေစီ ပါတီသစ် ဒုတိယ ဥက္ကဌနှင့် တရားလွှတ်တော် ရှေ့နေ ဦးဝင်းရွှေက Eleven မီဒီယာ သို့ပြောကြားကြောင်း Daily Eleven သတင်းစာ ဖော်ပြချက် အရ သိရသည်။

Daily Eleven သတင်းစာ၏ နယ်သတင်းထောက်ကို ထောင်ဒဏ် အထိ ပြစ်ဒဏ်ချမှတ်မှုနှင့် ပတ်သက်ပြီး မြန်မာနိုင်ငံ စာနယ်ဇင်း သမဂ္ဂ (MJU) နှင့် Pen Myanmar စသော မီဒီယာ အဖွဲ့အစည်းများက ကန့်ကွက်သည့် သဘောထား ကြေညာချက်များ ထုတ်ပြန်ခဲ့သည်။

http://burma.irrawaddy.org/news/2013/12/20/52498.html