စင်ကာပူတွင် အလုပ်ရှင်၏ ယောက္ခမကို ပိုးသတ်ဆေးထည့်တိုက်သည့် မြန်မာအိမ်အကူအမျိုးသမီး ထောင်ငါးလကျ

အလုပ်ရှင်၏ ယောက္ခမကို ပိုးသတ်ဆေးထည့်တိုက်ကြောင်းဝန်ခံခဲ့သည့် စင်ကာပူရောက် မြန်မာအိမ်အကူ အမျိုးသမီးတစ်ဦးကို စင်ကာပူတရားရုံးက ထောင်ဒဏ်ငါးလချမှတ်လိုက်ကြောင်း သတင်းရရှိသည်။

အသက် (၂၄)နှစ်အရွယ်ရှိ မြသက်ဝေက ၎င်းသည် (၆၅)နှစ်အရွယ် တိုဟ်ဆူကော့ခ်၏ နံနက်စာထဲတွင် ဒက်တောပိုးသတ်ဆေး ထည့်ခတ်ခဲ့ကြောင်းနှင့် ထိုလုပ် ရပ်က တိုဟ်ကို ထိခိုက်စေမည်မှန်း သဘောပေါက်ကြောင်း တရားရုံး ၌ ဝန်ခံထွက်ဆိုခဲ့သည်။ ဩဂုတ်၁၄ ရက်တွင် စင်ကာပူ ခရိုင်တရား ရုံးတစ်ခုက အမှုအတွက် အပြီးသတ်စီရင်ချက်အဖြစ် မြသက်ဝေကို ထောင်ဒဏ်ချမှတ်ခဲ့သည်။

တိုဟ်သည် မြန်မာအိမ်အကူ အမျိုးသမီးအပေါ် မကြာခဏ ဆူ ပူကြိမ်းမောင်းလေ့ရှိ၍ မြသက်ဝေအနေဖြင့် အလုပ်တွင် မပျော်မရွှင်ဖြစ်ခဲ့ကြောင်း ဆိုသည်။ ထို့နောက်ယခုနှစ် ဧပြီ ၆ ရက်တွင် မြသက်ဝေက တိုဟ်စားသောက်မည့် ကွေကာအုတ်ကဲ့သို့ နံနက်စာထဲ၌ ပိုးသတ်ဆေးအချို့ကို ရည်ရွယ်ချက်ရှိရှိ ထည့်ထားခဲ့သည်။ မြသက်ဝေသည် ယခုနှစ် ဇန်န၀ါရီ၁၀ ရက်ကတည်းက တမ်ပိုင်းရှိနေအိမ်တစ်ခုတွင် အလုပ်လုပ် နေခြင်းဖြစ်သည်။

ဖြစ်စဉ်တွင် တိုဟ်သည် မီးဖိုထဲ၌ မိမိအတွက် ကွေကာအုတ် ကို ဖျော်ထားပြီး (၇)လအရွယ် မြေးကို နို့ဘူးတိုက်ရန် ပြင်ဆင်ခဲ့သည်။ ထိုအချိန်တွင် မြသက်ဝေ က ကွေကာအုတ်ခွက် အဖုံးကိုဖွင့်ကာ ဒက်တောအရည်အချို့ လောင်းထည့်ထားခဲ့သည်။

တိုဟ်သည် မီးဖိုထဲ ပြန်ဝင်လာကာ ပေါင်မုန့်အချို့ စားပြီး နောက် ကွေကာအုတ်ကို သောက်မိသည့်အခါ မသင်္ကာစရာ အနံ့ ကြောင့် ချက်ချင်းထွေးထုတ်ပြီး ပလုတ်ကျင်းခဲ့သည်။ ထို့နောက် ချွေးမဖြစ်သူထံ ဖုန်းဆက်ကာ တစ်စုံတစ်ဦးက ၎င်း၏ အစားအသောက်ထဲတွင် မသင်္ကာစရာ ပစ္စည်းတစ်ခုခုကို ထည့်ထား ကြောင်း တိုင်ကြားခဲ့သည်။ တိုဟ် က အိမ်အကူအမျိုးသမီးကို စွပ်စွဲသော်လည်း မြသက်ဝေက ငြင်း ဆန်ခဲ့သည်။

မြသက်ဝေ၏ အလုပ်ရှင် လည်းဖြစ်သည့် တိုဟ်၏ ချွေးမပြန်ရောက်လာချိန်တွင် ရဲများထံတိုင်ကြားခဲ့ပြီး စုံစမ်းစစ်ဆေး သည့်အခါ၌ အိမ်အကူအမျိုးသမီး က လုပ်ရပ်ကိုဝန်ခံခဲ့သည်။ တိုဟ်၏ ကျန်းမာရေးအထိအခိုက်မရှိခဲ့ပေ။

တရားရုံး စစ်ဆေးမှု၌ မြသက်ဝေက တိုဟ်သည် မိမိကို နေ့စဉ်နေ့တိုင်း ဆူပူရန်လုပ်နေပြီး ထိုအခြေအနေကို ဆက်လက် သည်းခံနိုင်စွမ်းမရှိတော့ကြောင်း ထွက်ဆိုခဲ့သည်။ မိမိ၏ လုပ်ရပ်ကြောင့် အလုပ်ရှင်က စိတ်ပျက်ကာ မြန်မာနိုင်ငံသို့ ပြန်ပို့မည်ဟု မျှော်လင့်ခဲ့ကြောင်း၊ ယခုအချိန်တွင် မိမိ၏အမှားကို နားလည်ပြီးနောင်တရမိကြောင်း တရားသူ ကြီးအား ပြောကြားခဲ့သည်။

အကယ်၍ တိုဟ်၏ အသက်အန္တရာယ်သာ ထိခိုက်မိခဲ့ပါကမြသက်ဝေ ကျခံရမည့် ပြစ်ဒဏ် သည် ထောင်ဒဏ် (၁၀)နှစ်မျှထိ ကြီးလေးသွားနိုင်ကြောင်း သိရှိရ သည်။

7 Day Daily