မြစ်ရေတိုးမှုကြောင့် ဧရာဝတီတံတား အောက်မှ သင်္ဘောများ သွားလာခွင့်ပိတ်ပင်

ဧရာဝတီမြစ်ကူး စစ်ကိုင်းတံတားနှင့် ရတနာပုံတံတားကိုတွေ့ရစဉ် (ဓာတ်ပုံ – pk-bloglist.blogspot.com)

ဧရာဝတီ မြစ်ရေ မြင့်တက်ပြီး စိုးရိမ်ရေမှတ် ကျော်လွန်လာမှုကြောင့် မန္တလေးမြို့နှင့်စစ်ကိုင်းမြို့တို့ကို ဆက်သွယ် ထားသော ဧရာဝတီ မြစ်ကူး တံတားအောက်မှ အမြင့် ၃၃ ပေ အထက်ရှိသော သင်္ဘောများ သွားလာခွင့် ယနေ့ စတင် ပိတ်ပင် လိုက်ပြီဖြစ်ကြောင်း သတင်းရရှိသည်။

ဧရာဝတီမြစ်ရေသည် စိုးရိမ်ရေမှတ် အထက်တွင် တည်ရှိနေပြီး ဧရာဝတီမြစ်ရေ နှင့် ဧရာဝတီမြစ်ကူး တံတား ထိစပ်ရန် ၃၆ ပေသာ ကွာဟမှုရှိတော့သဖြင့် သင်္ဘောသွားလာခွင့် ပိတ်ပင်လိုက်ခြင်းဖြစ်ပြီး မြစ်ကူးတံတားအောက်မှ ဖြတ်သန်း သွား လာ မည့် ကုန်တင် နှင့်ခရီးသည်တင် သင်္ဘောအများစုမှာ ကျောက်ချရပ်နားနေကြကြောင်း သိရှိရသည်။

မန္တလေးအခြေစိုက် Tour Mandalay ကုမ္ပဏီမှ တာဝန်ရှိသူတဦးက သက်ဆိုင်ရာ၏ ပိတ်ပင်မှုကြောင့် ကမ္ဘာလှည့် ခရီးသည်များ အတွက် ဧရာဝတီ မြစ်ကြောင်းတွင် ရှုခင်းများ လှည့်လည်ကြည့်ရှုရန် ပြေးဆွဲ ပေးနေသော သင်္ဘောကို ရပ်နား ထားကြောင်း ဧရာဝတီသို့ပြောသည်။

အလားတူ ဧရာဝတီမြစ်ရေတိုးမှုကြောင့် တောင်သမန်အင်းအတွင်းတွင်လည်း ရေမျက်နှာပြင်တွင် မြင့်တက်လျက်ရှိပြီး ဦးပိန်တံတားနှင့် အင်းရေ ထိစပ်ရန် ၂ ပေ သာလိုတော့ကြောင်း၊ လတ်တလော ဦးပိန်တံတားပေါ်တွင် သွားလာခွင့် ခွင့်ပြုထားဆဲ ဖြစ်သော်လည်း အန္တရာယ် မဖြစ်စေရန် အတွက် သက်ဆိုင်ရာက စောင့်ကြပ် လျက်ရှိကြောင်း သိရှိရသည်။

“ဦးပိန်တံတားကို သွားလာခွင့်ပိတ်လို့တော့ မဖြစ်သေးပါဘူး။ ဒီတံတားကို အဓိက အားထားပြီး သွားလာ နေရ တာပါ။၂၀၀၄ခုနှစ်က ရေက ဒီတံတားပေါ်ရောက်တဲ့အပြင် ၂ပေ ကျော်လောက် မြှုပ်ခဲ့တယ်။ ဒီနှစ်က အဲဒီလောက် မဆိုးသေးပါဘူး။ ရေက ခုဆို နည်းနည်း ပြန်ကျသွားပြီ” ဟု အမရပူရမြို့နယ် တောင်သမန်ကျေးရွာအုပ်စု ဥက္ကဋ္ဌ ဦးခင်ဇော်က ပြောသည်။

ဧရာဝတီ မြစ်ရေ နှင့် ဒုဋ္ဌ၀တီမြစ်ရေတိုးမှုကြောင့် မန္တလေး ခရိုင်နှင့်ကျောက်ဆည်ခရိုင်တွင် ရေဘေးဒုက္ခများ ကြုံတွေ့ ခံစားနေရသူ လူဦးရေ ၃ သောင်းကျော်ရှိပြီး သက်ဆိုင်ရာ အာဏာပိုင်များက ကူညီကယ်ဆယ်ရေး လုပ်ငန်းများ ဆောင်ရွက်လျက်ရှိကြောင်း သိရှိရသည်။

မန္တလေးတိုင်းပြန်ကြားရေးဦးစီးဌာနမှ တာဝန်ရှိသူတဦးက “ရေ၀င်တဲ့ဒေသတွေက လူတွေရဲ့ ကျန်းမာရေးနဲ့ပတ်သက်ပြီး ကျန်းမာရေးမှူး တွေကိုယ်တိုင် ကွင်းဆင်းပြီး ဆေးကုနေပါတယ်။ နောက်ပိုင်း ရေပြန်ထွက်သွားရင်လည်း နောက်ဆက်တွဲ ဆိုးကျိုးတွေ ဖြစ်တဲ့ ၀မ်းပျက်၊ ၀မ်းလျောတာမျိုးတွေ မဖြစ်ပေါ်အောင် လုပ်ဆောင်သွားမှာပါ” ဟု ဧရာဝတီသတင်းဌာနသို့ ပြောဆိုသည်။

ဧရာဝတီမြစ်ရေတိုးမှုကြောင့် မန္တလေးတိုင်းအတွင်းရှိ ပုသိမ်ကြီးမြို့နယ်တွင် ကျေးရွာပေါင်း ၂၀ ရေကြီးမှုကြုံတွေ့ရနေပြီး လူဦးရေ ၁၅၃ ဦး ရေဘေးဒုက္ခ ခံစားနေရကာ စာသင်ကျောင်း ၂ ခု ရေနစ်မြှုပ်လျက်ရှိကြောင်း၊ အမရပူရ မြို့နယ်တွင်မူ ကျေးရွာပေါင်း ၁၆ရွာမှ လူဦးရေ ၂သောင်းကျော် ရေဘေး ဒုက္ခ ခံစားနေရပြီး ဒုဋ္ဌ၀တီမြစ်ရေ တိုးမှုကြောင့် ကျောက်ဆည် ခရိုင် စဥ့်ကိုင်မြို့ရှိ ကျေးရွာပေါင်း ၁၁ရွာမှ လူဦးရေ ၁၁၀၀၀ ရေဘေးဒုက္ခ ခံစားနေရကြောင်း သိရှိရသည်။

ဧရာဝတီမြစ်ရေသည် လာမည့် ၂ ရက်အတွင်း စိုးရိမ် ရေမှတ်အောက် ကျဆင်းသွားနိုင်ဖွယ်ရှိသော်လည်း ဒုဋ္ဌ၀တီမြစ်ရေ သည် စိုးရိမ်ရေမှတ်တွင်ပင် ဆက်လက်တည်ရှိနိုင်ကြောင်း၊ ၂၀၀၄ ခုနှစ်အတွင်း မြစ်ရေတိုးမှုကို အဆိုးရွားဆုံး ခံစားခဲ့ရ ကြောင်း သက်ဆိုင်ရာ၏ သတင်းထုတ်ပြန်ချက်များအရ သိရှိရသည်။

http://burma.irrawaddy.org/archives/48251