နိုင်ငံ့ ဂုဏ်ဆောင်ချင်လို့ ရွက်လှေစီးတဲ့ ဆရာဝန်

ဒေါက်တာ စုမြတ်စိုးနဲ့ သမီးငယ်အား ဆုယူအပြီး အတူတွေ့ရစဉ် (ဓာတ်ပုံ – ဆလိုင်းသန့်စင် / ဧရာဝတီ)

သူမနာမည်က ဒေါက်တာ စုမြတ်စိုးပါ။ သူမက ကလေးအထူးကု ဆရာဝန်လည်းဖြစ်သလို ဆေးပညာနှင့် ပတ်သတ်ပြီး ဘွဲ့လွန်သင်တန်း တက်ရောက်နေသူ တဦးလည်း ဖြစ်သည်။၂နှစ်အရွယ် သမီးငယ်ရဲ့ မိခင် တဦးဖြစ်ပြီး ရွက်လှေ အားကစားမယ် တဦးလည်း ဖြစ်သည်။

ယခင်က နိုင်ငံကိုယ်စားပြု ရွက်လှေ အားကစားမယ် အဖြစ် ဆီးဂိမ်းပြိုင်ပွဲများ ၀င်ရောက် ယှဉ်ပြိုင် ခဲ့သော်လည်း ၂၀၀၅ ခုနှစ်က ဖိလစ်ပိုင်တွင် ကျင်းပခဲ့သည့် ၂၃ ကြိမ်မြောက် ဆီးဂိမ်းပွဲပြီးကတည်းက ရွက်လှေနှင့် ပင်လယ်ပြင်ကို သူမ ကျောခိုင်းခဲ့သူလည်း ဖြစ်သည်။

ရွက်လှေ အားကစားမယ် ဘ၀ကို ကျောခိုင်းပြီး နောက်ပိုင်း ဖူးစာဖက်နှင့် ကြင်ရာဆုံပြီး ဘ၀သစ်တခု ထူထောင်ခဲ့ရာမှာ သမီးလေး တဦးပင် ရရှိကာ အိမ်ထောင်ရှင် မိခင်တယောက် အဖြစ် ဘ၀ကို ဖြတ်သန်း လာခဲ့သည်။

၂၇ ကြိမ်မြောက် ဆီးဂိမ်း ပြိုင်ပွဲကို မြန်မာနိုင်ငံက အိမ်ရှင်အဖြစ် လက်ခံ ကျင်းပမယ်လို့ သိရှိလာရပြီးနောက် ဘွဲ့လွန် တက်နေသည့် ဒေါက်တာ စုမြတ်စိုး တယောက် စာသင်ခန်းနှင့် မိသားစုကို ခွဲခွာ၍ နိုင်ငံ ဂုဏ်ဆောင်နိုင်ရန် ရွက်လှေနှင့် ပင်လယ်ပြင်ဆီသို့ ပြန်လာခဲ့သည်။

“၇ နှစ်လောက် မစီးဖြစ်ဘဲ အခုမှပြန်စီးတာက ကိုယ့်နိုင်ငံမှာ ဆီးဂိမ်း လုပ်တယ်ဆိုတော့ ပါချင်တာပေါ့နော်။ နိုင်ငံ့ ဂုဏ်ဆောင်ချင်တာပေါ့။ အဲဒါကြောင့် ကျောင်းကိုခွင့်ယူပြီး ဇန်န၀ါရီလ လောက်ကတည်းက လေ့ကျင့်ခဲ့တာ”ဟု ရွက်လှေ အားကစားမယ် ဒေါက်တာ စုမြတ်စိုးက ဧရာဝတီကို ပြောသည်။

မြန်မာနိုင်ငံ ရွက်လှေ အဖွဲ့ချုပ်က သူမ နောက်ဆုံး ယှဉ်ပြိုင်ခဲ့သည့် ဖိလစ်ပိုင် ဆီးဂိမ်းတွင် နိုင်ငံအတွက် ငွေတံဆိပ် ရယူပေးထားသဖြင့် ကိုယ့်မြေကိုယ့်ရေ၌ ကျင်းပမည့် ဆီးဂိမ်း ပြိုင်ပွဲတွင် သူမက ရွှေတံဆိပ် အရယူပေးနိုင်မည်ဟု မျှော်မှန်းထားသည့် ကစားသမား တဦးလည်း ဖြစ်သည်။

၂ နှစ်အရွယ် သမီးဖြစ်သူက သူမ ရွက်လှေစီး လေ့ကျင့်ရန် ခရီးထွက်ဖို့ ပြင်ဆင်တိုင်း ငိုလေ့ ရှိသော်လည်း သမီးနှင်ခွဲခွာပြီး ငွေဆောင်ကမ်းခြေရှိ ရွက်လှေ ကလပ်တွင် လာရောက် လေ့ကျင့်ဖြစ်ကြောင်း မစုမြတ်စိုးက ဆိုသည်။

ငွေဆောင် ဆီးဂိမ်း ရွက်လှေပြိုင်ပွဲ စတင်ချိန်တွင် မစုမြတ်စိုးနှင့် တွဲဖက် မနန်းခမ်းဆေးတို့က မြန်မာရွက်လှေအဖွဲ့ချူပ် မျှော်မှန်းထားသည့် အတိုင်း ပြိုင်ပွဲကို တောက်လျှောက် ဦးဆောင်နိုင်ခဲ့သည်။

သူမတို့၏ ပြိုင်ဖက်မှာ ရွက်လှေ အားကစားတွင် အတွေ့အကြုံ ကြွယ်ဝပြီး လေ့ကျင့်မှု အားကောင်းစွာ ပြင်ဆင်ထားသည့် စင်္ကာပူ၊ ထိုင်းနှင့် မလေးရှားတို့ ဖြစ်သည်။

အောင်မြင်မှု တခု ရရန် ကံ၊ ဥာဏ်၊ ၀ိရိယတို့ လိုအပ်သည့် အတိုင်း ပြိုင်ပွဲ နောက်ဆုံးနေ့တွင် မစုမြတ်စိုးနှင့် မနန်းခမ်းဆေးတို့ အတွဲမှာ ကံဆိုးစွာဖြင့် စင်္ကာပူ ကစားသမားများကို ၂ မှတ်လျော့ အနေအထားဖြင့် ရှုံးနိမ့်ခဲ့ပြီး ငွေတံဆိပ် ဆုဖြင့်သာ ကျေနပ်ခဲ့ ရသည်။

“နောက်ဆုံးနေ့ အထိ ရွှေအနေနဲ့ပဲ တောက်လျှောက် သွားခဲ့တာပါ။ အမှတ်ကလည်း ၃ မှတ်လောက် ပြတ်နေတယ်။ ဒါပေမယ့် ကံပဲ မကောင်းတာလား၊ ကိုယ်ပဲ Pressure (ဖိအား) များတာလားတော့ မသိဘူး။ ၂ ပွဲလုံးမှာ ရှုံးသွားတာ ပေါ့နော်။ ရှုံးသွားတဲ့ အခါမှာ အမှတ်က ပြန်မှီ သွားပြီးတော့ သူတို့ (စင်္ကာပူ) က ရသွားခဲ့တယ်”ဟု မစုမြတ်စိုးက ဆိုသည်။

ရွက်လှေ ပြိုင်ပွဲသည် လှိုင်းနှင့်လေတို့ အပေါ်တွင် မူတည်နေရာ ပြိုင်ပွဲ ပထမဆုံးနေ့၌ လှိုင်းကြီး၍ လှေမှောက်ခဲ့ခြင်းက မစုမြတ်စိုးတို့ အတွဲကို ရွှေဆုနှင့် ဝေးကွာစေခဲ့သည်။

“ကိုယ့်အတွက် အားမရတာက ပထမဆုံးနေ့မှာ လေက တအားကြမ်းတော့ လှိုင်းကြီးသွားတယ်။အဲဒီမှာ လှေမှောက် သွားတယ်။ အမှတ်က နည်းနည်း ပြတ်သွားတယ်။ နောက်နေ့မှာ ပြန်စီးတော့ ပြန်လိုက်နိုင်ပေမယ့် အမှန်တကယ်ဆို အဲဒီနေ့သာ လှေမမှောက်ခဲ့ရင် အပြတ်အသတ် အနိုင်ရမှာပေါ့နော်”ဟု ကံတရားက ဖေးကူခြင်း မရှိသည့် ဖြစ်ရပ်ကို မစုမြတ်စိုးက ပြောပြသည်။

ဆီးဂိမ်း ပိတ်ပွဲ အခမ်းအနားတွင် ဆုများ ချီးမြှင့်ခဲ့ရာမှာတော့ သူမအတွက် ငွေတံဆိပ်ဆု ရသလို ၂ နှစ်ကျော် အရွယ်ရှိ သမီးလေးအတွက်တော့ ဆီးဂိမ်းလာဘ်ကောင် ဇီးကွက် မွှေးပွရုပ်ကလေးက လက်ဆောင် ဖြစ်သွား ခဲ့သည်။

ရွှေတံဆိပ်ဆု မရခဲ့သော်လည်း မိမိအနေဖြင့် နိုင်ငံအတွက် အကောင်းဆုံး ပေးဆပ်ခဲ့ရသဖြင့် ကျေနပ်ကြောင်း ငွေတံဆိပ်ဆုရှင် ဒေါက်တာ စုမြတ်စိုးက သမီးလေးကို ချီထားလျက် ပြောသည်။

“အားကစားသမား တယောက်အနေနဲ့ ကိုယ်အကောင်းဆုံး ကြိုးစားခဲ့တယ်။ ရွှေ မရတော့လည်း ၀မ်းတော့မနည်းပါဘူး။ ကိုယ်အကောင်းဆုံး ဖြစ်အောင် လုပ်ခဲ့တယ် ”ဟု သူမက ပြောသည်။

မိမိနိုင်ငံတွင် ကျင်းပသည့် ဆီးဂိမ်း ပြိုင်ပွဲတွင် အကောင်းဆုံး ပေးဆပ် ယှဉ်ပြိုင်ခဲ့ပြီး ဖြစ်၍ ဒေါက်တာ စုမြတ်စိုး တယောက် စာသင်ခန်း၊ မကျန်းမာသော ကလေးငယ် လူနာများနှင့် မိသားစု ဘ၀ဆီသို့ ပြန်ရန် စိတ်ကူး ထားသည်။

“နောက်နှစ် စင်္ကာပူ ဆီးဂိမ်းမှာတော့ အကောင်းဆုံး ယှဉ်ပြိုင် နိုင်အောင် အားကစား သမားတွေ ကြိုးစား ကြပါလို့။ ကျမကတော့ ဆရာဝန် ဆိုတဲ့အခါ ကျတော့ ကိုယ့်နိုင်ငံမှာ ပြိုင်လို့သာ ပြိုင်ဖြစ်တာ။ နောက်ပြိုင်ပွဲတွေမှာ မပြိုင်ဖြစ်ဖို့ များတယ်။ တခြား အားကစား သမားတွေ အနေနဲ့ စိတ်ဓာတ် မကျဘဲနဲ့
ဆက်ပြီးတော့ ကြိုးစားဖို့။ နောက်နှစ်တွေမှာ ဆုတွေရအောင် ထပ်ကြိုးစား ကြပါလို့ ပြောလိုပါတယ်”ဟု သူမက ပြောသည်။

ငွေဆောင် ကမ်းခြေ၌ ကျင်းပသည့် ဆီးဂိမ်း ရွက်လှေ ပြိုင်ပွဲကြီးကား အောင်မြင်စွာ ပြီးဆုံးခဲ့သည့် နည်းတူ ဆေးထိုး အပ်ကိုင်သည့် ဆရာဝန်တဦး ငွေဆောင် ပင်လယ်ပြင်၏ လှိုင်းကြားလေကြား၌ လာရောက် ရွက်လွှင့်ပြီး ဆီးဂိမ်း ပြိုင်ပွဲတွင် စွမ်းစွမ်းတမံ ၀င်ရောက် ယှဉ်ပြိုင်သွားခဲ့သည် ဆိုသည့် အချက်ကိုလည်း ပင်လယ်ပြင်ကြီးက အမြဲ သက်သေခံ ပေးနေမည် ဖြစ်လေသည်။

http://burma.irrawaddy.org/article/2013/12/23/52580.html