တရုတ်-မြန်မာ နယ်စပ်တွင် ခိုးသွင်းလာသည့် မြွေ ၄ ထောင်ကျော် ဖမ်းမိ

မြွေကို အရက်နှင့်စိမ်၍လည်း ကျန်းမာရေးအတွက် ဆေးဝါးအဖြစ် တရုတ်နိုင်ငံတွင် မှီဝဲကြသည် (ဓာတ်ပုံ – Wikimedia)

တရုတ်-မြန်မာ နယ်စပ် ရွှေလီမြို့အနီးတွင် မြန်မာနိုင်ငံဘက်မှ မှောင်ခို သယ်ဆောင်လာသည့် မြွေအရှင် အကောင် ၄၈၀၀ ကျော်အား တရုတ်နိုင်ငံ ယူနန် ပြည်နယ် ရွှေလီ ရဲတပ်ဖွဲ့ဝင်များက ယခင်သတင်းပတ်အတွင်း ဖမ်းဆီးရမိကြောင်း သတင်းရရှိသည်။

တန်ချိန် ၃.၈ တန်ခန့်ရှိ မြွေဟောက်၊ မြွေပွေးနှင့် အိန္ဒိယမြွေခလောက် စသည့် မြွေအကောင်ရေ ၄၈၁၅ ကောင်ကို သေတ္တာ ၁၇၆ ပုံးဖြင့် တင်ဆောင်လာသည့် ယာဉ်တစီးကို ရွှေလီ ရဲတပ်ဖွဲ့ဝင်များက ဖေဖော်ဝါရီလ ၂၂ ရက် နံနက်စောစောပိုင်းက စီးနင်းရာတွင် ဖမ်းဆီးရမိခြင်း ဖြစ်ကြောင်း သိရသည်။

ထိုကဲ့သို့ မြန်မာဘက်မှ မှောင်ခို တင်သွင်းလာသည့် တန်နှင့်ချီသော မြွေများကို ဖမ်းဆီးရမိခြင်းမှာ တရုတ်-မြန်မာ နယ်စပ်သမိုင်း တလျှောက် အကြီးမားဆုံး ဖမ်းဆီးရမိခြင်း ဖြစ်ကြောင်း၊ အဆိုပါ တရားမ၀င် တိရစ္ဆာန် တင်သွင်းမှုဖြင့် သံသယဖြစ်ခြင်း ခံရသူ တဦးကိုလည်း ဖမ်းဆီး ထိန်းသိမ်းထားကြောင်း ရွှေလီ သစ်တောအုပ်ချုပ်ရေး ပြည်သူ့ လုံခြုံရေးဗျူရို၏ တနင်္ဂနွေနေ့က ထုတ်ပြန်ချက်အရ သိရသည်။

သို့သော် အဆိုပါကိစ္စ သံသယ ဖြစ်၍ ဖမ်းဆီး ထိန်းသိမ်းထားသူသည် မည်သည့် နိုင်ငံသားဖြစ်သည်ကိုမူ ညွှန်ကြားချက် မရှိ၍ နိုင်ငံခြား မီဒီယာများအား မှတ်ချက် မပေးနိုင်ကြောင်း ရွှေလီ သစ်တော အုပ်ချုပ်ရေး ဌာန ပြောခွင့်ရသူက ဆိုသည်။

ထိုသို့ စီးနင်းဖမ်းဆီးရာတွင် မြွေတချို့ တောတွင်းသို့ လွတ်မြောက်သွားကြောင်း၊ ဒီဟောင်ခရိုင် တိရစ္ဆာန် ထိန်းသိမ်းရေး စင်တာမှ တာဝန်ရှိသူတဦးက တရုတ်အမျိုးသား သတင်းဌာနဖြစ်သည့် CNS သတင်းဌာနသို့ ပြောထားသည်။

တရုတ် ရဲတပ်ဖွဲ့ဝင်များက ဖေဖော်ဝါရီလ စောစောပိုင်းကတည်းက ကားလမ်းများကို ပိတ်ဆို့ တားမြစ် ရှာဖွေမှုများ လုပ်ဆောင်နေခဲ့ကြောင်း၊ ရက်ပေါင်း ၂၀ ကျော်ကြာ တရားမ၀င် နယ်စပ်ဖြတ်ကျော် တင်သွင်းမှုများကို စိစစ်မှုများ လုပ်ဆောင်ခဲ့ရာ ကုန်သည်များက ကန့်ကွက်မှုများ ရှိလာသည့်အတွက် အချို့သော တားမြစ်ဂိတ်များကိုလည်း ဖြေလျှော့ပေးခဲ့ပြီးနောက်ပိုင်း ယခုကဲ့သို့ တရားမ၀င် တိရစ္ဆာန် ပမာဏများစွာ ဖမ်းဆီး ရမိခြင်းဖြစ်ကြောင်း CNS သတင်းဌာနသို့ ရွှေလီ သစ်တောအုပ်ချုပ်ရေး ပြည်သူ့ လုံခြုံရေးဗျူရို ညွှန်ကြားရေးမှူး ချန်ဟွာဂူဝိုက ပြောကြားသည်။

ရွှေလီမြို့သည် မြန်မာနိုင်ငံဘက်မှ တရားဝင် ကုန်ကြမ်း ပစ္စည်းများကိုသာ ကုန်သွယ်ခွင့် ပြုထားသည့် တရုတ်-မြန်မာ အကြီးမားဆုံး နယ်စပ်ကုန်သွယ်မှု မြို့တမြို့ဖြစ်ပြီး တရုတ်နိုင်ငံမှ မြန်မာနိုင်ငံသို့ ၂၀၁၂ ခုနှစ်အတွင်း၌ အမေရိကန် ဒေါ်လာ ၂ ဘီလီယံခန့် ကုန်သွယ်မှု ရှိခဲ့ရာ ၂၀၁၁ ခုနှစ်ထက် ၁၉.၉ ရာခိုင်နှုန်း မြင့်မားလာခြင်း ဖြစ်သည်။

ထို့အပြင် ရွှေလီနယ်စပ် ရဲတပ်ဖွဲ့က ၂၀၁၂ ခုနှစ်အတွင်း ကူးသန်းသွားလာမှု ၁၂ သန်း ရှိသည်ဟု မှတ်ပုံတင် စာရင်းဇယားများအရ သိရပြီး ယခင် ၂ နှစ်ကျော်ထက် ၅၀ ရာခိုင်နှုန်း တိုးမြင့်လာခြင်းဖြစ်သည်။

အဆိုပါ စာရင်းဇယားများမှာ ကျယ်ပြန့်သည့် နယ်စပ် ကုန်သွယ်ရေးတွင် တရားဝင် ညွှန်ပြသည့် ကိန်းဂဏန်းမျှသာ ဖြစ်ပြီး တရားမ၀င် နယ်စပ်ကုန်သွယ်မှု၏ ၉ ရာခိုင်နှုန်းမျှသာ ဖြစ်ကြောင်း ဒေသတွင်းကုန်သည်တဦးက ဧရာဝတီကို ပြောသည်။

တရုတ်နိုင်ငံ ရွှေလီမြို့တွင် မြန်မာ ၂ သောင်းခန့် နေထိုင်ကြပြီး အထူးသဖြင့် နယ်စပ်ကုန်သွယ်မှု လုပ်ငန်းများကို လုပ်ကိုင်နေကြကြောင်းလည်း သိရသည်။

ရွှေလီ သစ်တော အုပ်ချုပ်ရေး၏ လူထု လုံခြုံရေးဗျူရိုသည် ၀န်ထမ်း ၃၇ ဦး ရှိပြီး ယမန်နှစ်က စတင်ကာ တရားမ၀င် တိရစ္ဆာန် မှောင်ခိုမှုများကို ကိုင်တွယ်ခဲ့ရာ ယခုအခါ အမှုပေါင်း ၂၇၃ မှု ရှိခဲ့ကြောင်း သိရှိရသည်။

မြန်မာနိုင်ငံဘက်မှ ရှားပါးမျောက်လွှဲကျော် တကောင်လျှင် ရွှေလီ၌ တရုတ် ယွမ်ငွေ ၁၀၀ ( အမေရိကန်ဒေါ်လာ ၁၆ ဒေါ်လာခန့်) ဈေးပေါက်ကြောင်း သိရပြီး ၂၀၀၄ ခုနှစ်က တရားမ၀င် ခိုးသွင်းလာသည့် ၀က်ဝံ ခြေဖဝါး လက်ဖဝါး ၇၈ ခု၊ သင်းခွေချပ် အရှင် ၂၂ ကောင်ကိုလည်း အဆိုပါ သစ်တောဗျူရိုက ဖမ်းဆီးရခဲ့ဖူးသည်။

တရုတ်နှင့် မြန်မာ ၂ နိုင်ငံလုံးက သဘာဝ ရှားပါး တိရစ္ဆာန် ထိန်းသိမ်းစောင့်ရှောက် ကာကွယ်ရေး နိုင်ငံတကာ ကုန်သွယ်ရေး စာချုပ် (Convention on International Trade in Endangered Species of Wild Flora and Fauna) တွင် လက်မှတ်ရေးထိုးထားကြသည်။

ကမ္ဘာ့တောရိုင်း တိရစ္ဆာန်များ ရန်ပုံငွေအဖွဲ့ (World Wildlife Fund) ၏ ယမန်နှစ်က အစီရင်ခံစာတွင် မြန်မာနိုင်ငံ အနေဖြင့် အဆိုပါ သဘောတူစာချုပ်ကို အပြည့်အ၀ လိုက်နာမှု မရှိသေးကြောင်း ထောက်ပြထားပြီး တရုတ်နိုင်ငံကိုလည်း တရားမ၀င် တောရိုင်း တိရစ္ဆာန် ကုန်သွယ်မှု တိုက်ဖျက်ရေးအတွက် အရေးတကြီး လုပ်ဆောင်ရန် တိုက်တွန်းထားသည်။

http://burma.irrawaddy.org/archives/34518