ထိုင်းနိုင်ငံမှာ မြန်မာ လူကုန်ကူးဂိုဏ်း ဖမ်းမိ

ဖမ်းဆီးမိတဲ့ မြန်မာ လူကုန်ကူးသူ ၅ ဦး နဲ့ ပတ်သက်ပြီး ထိုင်းအာဏာပိုင်တွေက သတင်းစာရှင်းလင်းပွဲ ပြုလုပ်စဉ် (ဓာတ်ပုံ – ဘန်ကောက်ပို့စ်)

 ထိုင်းနိုင်ငံမှာ မြန်မာနိုင်ငံသား အလုပ်သမားတွေကို တရားမဝင် လူကုန်ကူး နေတဲ့ ဂိုဏ်းအဖွဲ့ တဖွဲ့ကို ထိုင်း အာဏာပိုင်တွေ အပါအ၀င် ပူးပေါင်းအဖွဲ့က ဖမ်းဆီး ရမိကြောင်း သိရပါတယ်။
ထိုင်းအစိုးရ လူကုန်ကူးမှု အထူး နှိမ်နှင်းရေး ရဲတပ်ဖွဲ့(AHTD)၊ ထိုင်းနိုင်ငံရောက် မြန်မာနိုင်ငံသားများအဖွဲ့(MAT) နဲ့ ထိုင်းတောင် ပိုင်း အခြေစိုက် ပညာရေးနဲ့ ဖွံ့ဖြိုး တိုးတက်ရေး ဖောင်ဒေးရှင်း(FED) တို့ပူးပေါင်းပြီး ဖမ်းဆီးလိုက်တာ ဖြစ်တယ်လို့ ပါဝင်ခဲ့သူများက ပြောပါတယ်။

လူပွဲစားတွေ ပိတ်လှောင်ထားတဲ့ အခန်းတခုကို ဖောက်ထွက်လာတဲ့ မြန်မာ အလုပ်သမားတဦးက MAT ကို အကြောင်းကြားလာ ရာ ကနေ ဇွန်လ ၆ ရက်နေ့က ဖမ်းဆီး ဖော်ထုတ်ခဲ့တာလို့ သိရပါတယ်။
“အခုမိတဲ့ လူကုန်ကူး ဂိုဏ်းတဂိုဏ်းလုံးက ထိုင်းမှာ အနေကြာတဲ့ မြန်မာနိုင်ငံသားတွေချည်းပဲ။ အခုတော့ ရဲစခန်းမှာ ထိန်းသိမ်း ထား ပါတယ်။ ထိုင်းအာဏာပိုင်တွေက ဥပဒေအတိုင်း အရေးယူ ဆောင်ရွက်သွား ပါလိမ့်မယ်”လို့ လူကုန်ကူးဂိုဏ်းကို ဝင်ရောက် ဖမ်းဆီးရာမှာ ကိုယ်တိုင်ပါဝင်ခဲ့သူ MAT ဒါရိုက်တာ ဦးကျော်သောင်း က ဧရာဝတီကို ပြောပါတယ်။

လူကုန်ကူးဂိုဏ်းအဖွဲ့ကို ဦးဆောင်သူတွေဖြစ်တဲ့ ဦးသိန်းဦး၊ ဒေါ်ချမ်း တို့အပါအဝင် လူပွဲစားတွေဖြစ်တဲ့ ကိုကျော်၊ ကိုအောင်နိုင်နဲ့ ကိုခင် တို့ကို ဘန်ကောက်၊ မဟာချိုင်နဲ့ ထိုင်းနိုင်ငံတောင်ပိုင်း ငါးဖမ်းလှေဆိပ်တွေမှာ သီးခြားစီဖမ်းမိခဲ့ကြတာဖြစ်ပြီး သူတို့ ၅ ဦး ကို AHTD ရဲ့ စခန်းမှာ ထိန်းသိမ်းထားကြောင်း၊ ဇွန်လ ၁၀ ရက်နေ့မှာ အမှုစစ်မှာဖြစ်ကြောင်း သိရပါတယ်။
ပင်လယ်ပြင် ငါးဖမ်းလှေတွေအတွက် ရောင်းစားခံထားရတဲ့ အသက် ၁၈ နှစ် အရွယ် ကိုပိုင်ဆိုသူကို ဇွန်လဆန်းပိုင်းမှာ လူပွဲစား တွေက စမွတ်စခွန် ခရိုင် မဲခေါင်လှေဆိပ်က အခန်းတခုမှာ ဖမ်းဆီး ပိတ်လှောင်ထားစဉ် ကိုပိုင်က အခန်းခေါင်မိုး နဲ့ မျက်နှာကျက် ကို ဖောက်ပြီး ထွက်ပြေးလွတ်မြောက်လာပြီးနောက် အစ်ကိုဖြစ်သူ ကိုဇော်လွင် က MAT ကို ဆက်သွယ် အကြောင်းကြားလိုက် တာ ဖြစ်တယ်လို့ ဆိုပါတယ်။

ကိုဇော်လွင် က “ကျနော့်ညီလွတ်လာပြီး မကြာဘူး။ လူပွဲစားက ကျနော့်ဆီ ဖုန်းဆက်လာပြီး ထပ်လိမ်သေးတယ်၊ မင်းညီကို ဘတ် တသောင်းခွဲနဲ့ လာရွေးလို့ပြောတယ်။ အဲဒါနဲ့ ကျနော်က MAT ကိုဖုန်းဆက်ပြီး တိုင်လိုက်တယ်။ ဒါနဲ့ သူတို့က လိုက်ကူညီပေး တယ်။ အခု ကျနော့်ညီ လွတ်လာလို့ မြန်မာအဖွဲ့တွေရော၊ ထိုင်းရဲတွေကိုရော ကျေးဇူးတင်လို့မဆုံးဘူး”လို့ ဧရာဝတီကို ပြောပါတယ်။

ပိတ်လှောင်ခံထားရာကနေ လွတ်မြောက်လာတဲ့ ကိုပိုင်နဲ့ အတူ ငါးဖမ်းလှေမှာ ရောင်းစားခံရတဲ့ ကျန်နှစ်ဦးဟာလည်း တရွာတည်း သားတွေဖြစ်ကြကြောင်း၊ လူပွဲစားတွေကို ဖမ်းမိပြီးနောက် သူတို့ နှစ်ဦးလည်း လွတ်မြောက်လာကြောင်း သိရပါတယ်။

လူပွဲစားတွေက သူတို့သုံးဦးကို တလ ဘတ် တသောင်းခွဲလောက်ရတဲ့ ပေါင်မုန့်စက်ရုံမှာ အလုပ်ရှာပေးမယ်လို့ ကတိခံပြီး ငါးဖမ်း လှေ မှာ တယောက် ဘတ် တသောင်းနဲ့ ရောင်းစားသွားတာဖြစ်တယ်လို့ MAT က မေးမြန်းထားတဲ့ ရုပ်သံမှတ်တမ်းမှာ ကိုပိုင်က ရှင်းပြထားတာ တွေ့ရပါတယ်။

“နေရာအတိအကျ မသိဘူး၊ အဝေးကြီး ကမ်းစပ်နားမှာပဲ၊ သူတို့ဆီမှာတော့ နေ့ခင်း ၁၂ နာရီလောက် ကတည်းကနေပြီးတော့ ည တည အိပ်ခဲ့ရတယ်။ ပိုက်ဆံ သွားယူမယ်ဆိုပြီး ကျနော်တို့ သုံးယောက်လုံးကို ခေါ်သွားတယ်။ ဟိုရောက်တော့ လူတွေကို ထားခဲ့ပြီး ပိုက်ဆံ တယောက် တသောင်းထုတ်ယူသွားတယ်”လို့ ကိုပိုင်က ရှင်းပြထားပါတယ်။

လွတ်မြောက်လာတဲ့ ကိုပိုင်နဲ့ သူငယ်ချင်းသုံးဦးကိုတော့ ပထုံဌာနီ ကယ်ဆယ်ရေးစခန်းမှာ ထိန်းသိမ်းပေးထားပြီး အမှုပြီးတာနဲ့ မြန်မာ အစိုးရ နယ်စပ်လူမှုကယ်ဆယ်ရေး ဌာနက တဆင့် နေရပ်ရင်းကို ပြန်ရောက်ရှိရေး ဆောင်ရွက်ပေးသွားမှာဖြစ်တယ် လို့လည်း သိရပါတယ်။

လူကုန်ကူးသူတွေဟာ မြန်မာနိုင်ငံထဲမှာ စီးပွားရေးကြပ်တည်းပြီး အလုပ်အကိုင်ရှာဖို့ ထွက်လာကြသူတွေကို မြဝတီ၊ တာချီလိတ်၊ ဘုရားသုံးဆူ၊ ကော့သောင်း၊ ထီးခီး စတဲ့ နယ်စပ်လမ်းကြောင်းတွေကတဆင့် ကူးသန်းမှုတွေရှိသလို ထိုင်းနိုင်ငံအတွင်းနေရာ အနှံ့အပြားမှာလည်း အလုပ်ရှာနေကြတဲ့ မြန်မာအလုပ်သမားတွေကို ရောင်းစားမှုတွေရှိနေတယ်လို့ MAT ကပြောပါတယ်။

အများဆုံး ရောင်းအစားခံရတဲ့ နေရာတွေကတော့ ဘန်ကောက်၊ မဟာချိုင်ဒေသက အအေးခန်းစက်ရုံတွေနဲ့ ထိုင်းနိုင်ငံတောင်ပိုင်း ချုံဘူရီ ခရိုင်ရှိ ချောင်းစမေးစံ လှေဆိပ်၊ မဲခေါင်လှေဆိပ်နဲ့ အခြား ပင်လယ်ငါးဖမ်း လှေလုပ်ငန်းတွေမှာ အများဆုံး တွေ့မြင်ရတယ် လို့ဆိုပါတယ်။
လူကုန်ကူး ဂိုဏ်းကို ပူးပေါင်းဖော်ထုတ်ရာမှာ ပါဝင်ခဲ့တဲ့ FED အဖွဲ့မှ ကိုမင်းဦးက“ဒီဂိုဏ်းကြီးကို မိလိုက်လို့ လူကုန်ကူးမှုတွေက ရပ် သွားပြီ မဟုတ်ဘူး။ ထိုင်းမှာတခြားအဖွဲ့တွေ အများကြီးရှိနေသေးတယ်။
ကျနော်တို့အဖွဲ့တွေလည်း အခုလိုပူးပေါင်းပြီး အရင် က လည်း မြန်မာ အလုပ်သမားတွေ အများကြီးကယ်တင်ခဲ့သလို့ ပွဲစားတွေကို ဖော်ထုတ်ဖမ်းဆီးတာပဲ၊ မကုန်ဘူး။ ဒီမှာက လူကုန် ကူး တာ စီးပွားရေးတခုလိုဖြစ်နေပြီ”လို့ ဧရာဝတီကို ပြောပါတယ်။

လူကုန်ကူးဂိုဏ်းကို ဖမ်းဆီးလိုက်တဲ့ တနေ့တည်းမှာပဲ ထိုင်းနိုင်ငံတောင်ပိုင်း ကမ်းအနီး ငါးဖမ်းလှေမှာ ရောင်းစားခံထားရတဲ့ မြန်မာ ရွှေ့ပြောင်း အလုပ်သမား ၄ ဦးကို ထိုင်းနိုင်ငံ အထူး စုံစမ်း စစ်ဆေးရေး ဌာန (DSI)နဲ့ FED တို့ပူးပေါင်းပြီး ကယ်တင် နိုင်ခဲ့သလို မြန်မာ အလုပ်သမားတွေကို လှေထဲရောင်းစားခဲ့တဲ့ ပွဲစားတဦးကိုလည်း ဖမ်းဆီးနိုင်ခဲ့တယ်လို့ ကိုမင်းဦးက ဆက်ပြော ပါတယ်။

လူကုန်ကူးခံရတဲ့ မြန်မာ အလုပ်သမားတွေ ကယ်တင်တဲ့အခါ၊ လူကုန်ကူးသူတွေကို ဖော်ထုတ်ဖမ်းဆီးတဲ့ အခါတွေမှာ ခြိမ်းခြောက် ခံရမှုနဲ့ ထိုင်းအာဏာပိုင်တွေနဲ့ ပူးပေါင်းပြီး ခက်ခက်ခဲခဲ လုပ်ဆောင်ရမှုတွေ ရှိပေမယ့် မြန်မာအစိုးရရဲ့ ကူညီပံ့ပိုးမှုနဲ့ ပူးပေါင်းပါဝင်မှု ကိုတော့ မရရှိဘူးလို့ ဦးကျော်သောင်း ကပြောပါတယ်။

“လူကုန်ကူးဂိုဏ်းတွေ အများစုက လူမိုက်တွေများတယ်။ ထိုင်းရဲတွေအတွက် ပြဿနာမရှိပေမယ့် ကျနော်တို့ မြန်မာ အလုပ်သမား ကူညီရေး အဖွဲ့တွေကြတော့ အန္တရာယ်ရှိတာပေါ့။ ထိုင်းမှာ မြန်မာနိုင်ငံသား အလုပ်သမားတွေ ဘယ်လောက် ဒုက္ခ ရောက် ရောက် သေသေ မြန်မာအစိုးရက ဂရုစိုက်တာ မဟုတ်ဘူး။ အခုလို ကယ်တင်တဲ့ အခါတွေမှာလည်း စာရင်း တောင်းတာ ကလွဲလို့ လက် တွေ့ ပူးပေါင်း ပါဝင်တာမရှိဘူး။ မြန်မာသံရုံးဆို ဖုန်းတောင်မကိုင်ဘူး”လို့ ဦးကျော်သောင်းက ပြောပါတယ်။
MAT အဖွဲ့ဟာ ထိုင်းနိုင်ငံရှိ ရွှေ့ပြောင်း မြန်မာအလုပ်သမားတွေ အရေးကို လိုက်ပါဆောင်ရွက်နေတဲ့ အဖွဲ့အစည်းတခု ဖြစ်ပြီး ထိုင်း အစိုးရ လူကုန်ကူးမှု တိုက်ဖျက်ရေး ရဲတပ်ဖွဲ့နဲ့ ပူးပေါင်းကာ ၂၀၁၄ ခုနှစ် နှစ်ဆန်းပိုင်းမှ ဇွန်လ ၆ ရက်နေ့အထိ လူကုန်ကူးခံရသူ မြန်မာ အလုပ်သမား ၉၀ ကို ကယ်ထုတ်နိုင်ခဲ့ပြီး မြန်မာလူပွဲစား ၈ ဦးကိုလည်း ဖမ်းဆီးပေးနိုင်ခဲ့ကြောင်း MAT က ထုတ်ပြန်ထားတဲ့ မှတ်တမ်းတွေအရ သိရပါတယ်။

၂၀၁၃ ခုနှစ်ထဲမှာလည်း ထိုင်း ငါးဖမ်းလှေတွေပေါ် ရာချီတဲ့ မြန်မာနိုင်ငံသားတွေကို ရောင်းစားမှု၊ လူသတ်မှု၊ မုဒိမ်းမှုတွေ ကျူးလွန် တယ်ဆိုတဲ့ လူကုန်ကူးဂိုဏ်းတခုကို ထိုင်းအာဏာပိုင်တွေနဲ့ ပူးပေါင်း ဖော်ထုတ်နိုင်ခဲ့သလို လူကုန်ကူးခံရတဲ့ မြန်မာ အလုပ်သမား ၂၆၄ ဦးကိုလည်း ကယ်ထုတ်ပေးနိုင်ခဲ့ကြောင်း၊ ဒါ့အပြင် ၂၀၁၂ ခုနှစ်မှာ ၂၉၂ ဦးနဲ့ ၂၀၁၁ ခုနှစ်မှာ လူဦးရေ ၅၀ ကယ် ထုတ် နိုင်ခဲ့ ကြောင်းလည်း ဖော်ပြထားပါတယ်။

 http://burma.irrawaddy.org/news/2014/06/10/60147.html