ကချင်ဆရာမ ၂ ဦး သတ်ဖြတ်ခံရမှု ဖော်ထုတ်ရန် တပ်မတော် ပူးပေါင်းမည်ဟု ဆို

ရှမ်းပြည်နယ် မြောက်ပိုင်း မူဆယ်ခရိုင်အတွင်း ပြီးခဲ့သည့် အပတ်အတွင်းက အဓမ္မပြုကျင့် သတ်ဖြတ်ခံရသည့် ကချင်တိုင်းရင်းသူ စေတနာ့ ၀န်ထမ်း ကျောင်းဆရာမ ၂ ဦးအမှု အဖြစ်မှန် ပေါ်ပေါက်ရန် မြန်မာ့ တပ်မတော်က ပူးပေါင်း ဆောင်ရွက်မည် ဖြစ်ကြောင်း သတင်းရရှိသည်။

အသတ်ခံရသူ ကျောင်းဆရာမ နှစ်ဦးအတွက် ဇန်န၀ါရီ ၂၁ ရက်က ဆုတောင်းပွဲ ကျင်းပနေစဉ် (ဓာတ်ပုံ – KBC)

အမှုမှန် ဖော်ဆောင်ရာတွင် ပွင့်လင်းမြင်သာမှု ရှိစေရန်အတွက် အမှုစစ်လုပ်ငန်းများ ဆောင်ရွက်ရာ၌ ဒေသခံ တဦး၊ ရပ်မိရပ်ဖ တဦးနှင့် ဘာသာရေးအသင်း တဦးတို့ ပါဝင်ခွင့် ပေးထားကြောင်း၊ တပ်မတော်ဘက်မှလည်း တရားခံ ပေါ်ပေါက်ရန် အပြည့်အဝ ပူးပေါင်းဆောင်ရွက်လျက်ရှိကြောင်း သမ္မတ ပြောခွင့်ရ ပုဂ္ဂိုလ်လည်းဖြစ်၊ ပြန်ကြားရေး ဝန်ကြီးလည်း ဖြစ်သူ ဦးရဲထွဋ်က ဧရာဝတီ သို့ ပြောသည်။

ဦးရဲထွဋ်က“တပ်မတော်မှာ ရှိနေတဲ့ ရဲဘော်တွေကိုလည်း စစ်ဆေးတာ ရှိပါတယ်။ အမျိုးသမီးတွေနေတဲ့ နေရာကလည်း ပတ်ဝန်း ကျင်တွေ ရှိသေးတော့ သူတို့တွေကိုလည်း ထည့်စဉ်းစားစရာတွေ ရှိတယ်။ တံခါးက ချိုးဖွင့်ထားတာ မဟုတ်ဘူး ဆိုရင် သိတဲ့သူ လား၊ ဘယ်သူဖွင့်လဲ ဆိုတာမျိုးတွေပေါ့။ တပ်မတော်အနေနဲ့ ဒီကိစ္စမျိုးကို တရားခံ ဖော်နိုင်ဖို့အတွက် ကျနော်တို့ အပြည့်အဝ ပူးပေါင်း ဆောင်ရွက်နေပါတယ်။ ဘယ်သူကပဲ လုပ်သည်ဖြစ်စေ၊ တရားခံပေါ်လာရင်တော့ ကျနော်တို့ ထိထိရောက်ရောက် အရေးယူမှာပါ။ တရားခံ မပေါ်သေးဘဲနဲ့ မှန်းဆပြီး ပြောရင်တော့ မကောင်းဘူး”ဟု ပြောဆိုသည်။

အသက် ၂၀ ၀န်းကျင်အရွယ်ရှိ လုပ်အားပေး ဆရာမ ၂ ဦးဖြစ်သည့် ခေါန်နန်စင်နှင့် လုရာတို့သည် ကချင်နှစ်ခြင်း ခရစ်ယန်အသင်း ချုပ်(KBC) ၏ ခွင့်ပြုချက်ဖြင့် မူဆယ်ခရိုင် ပန်ဆိုင်းမြို့ ကောင်းခါးကျေးရွာမှ ဆင်းရဲသော ကလေးငယ်များကို အခမဲ့ ပညာသင်ကြား ပေးနေကြသူများဖြစ်ပြီး ကောင်းခါးကျေးရွာ ဘုရားကျောင်းဝင်း အတွင်းရှိ ၎င်းတို့ တည်းခိုရာ အိမ်ခန်းတွင် ၂၀၁၅ ခုနှစ် ဇန်န၀ါရီ ၁၉ ရက် ညပိုင်းက အသတ်ခံရခြင်း ဖြစ်ကြောင်း ကျေးရွာဒေသခံများ၏ ပြောဆိုချက်အရ သိရသည်။

သေဆုံးသူ ၂ ဦးနေထိုင်သည့် အိမ်အနီးရှိ ထင်းပုံအနီးတွင် စစ်ဖိနပ်ခြေရာနှင့် တူသည့် ပွိုင့်ထူထူ ဖိနပ်ခြေရာများကြောင့် ရွာကို ရောက်နေသည့် အစိုးရ စစ်တပ် ခြေမြန် တပ်ရင်း(ခမရ) ၅၀၃ တပ်ဖွဲ့ဝင်တချို့အပေါ် ဒေသခံများက သံသယရှိနေကြောင်း၊ ခမရ ၅၀၃ စစ်ကြောင်းသည် ကောင်းခါးရွာသို့ ယခုလ ၁၉ ရက်တွင် ရောက်ရှိလာပြီး သေဆုံးသူနှစ်ဦး နေထိုင်သော အိမ်နှင့် ကိုက် ၁၀၀ ခန့်အကွာ နေရာတွင် စခန်းချ နေထိုင်လျက်ရှိကြောင်း ဒေသခံတချို့က ဧရာဝတီသို့ ပြောသည်။

ယင်းအမှုကို မူဆယ်မြို့နယ် ရဲစခန်းက လူသတ်မှု ပုဒ်မ ၃၀၂ ဖြင့် အမှုဖွင့်ထားပြီး တရားခံကို အမြန်ဆုံး ဖော်ထုတ်နိုင်ရန် ဆောင်ရွက်နေကြောင်း ပြောဆိုသည်။

ရှမ်းပြည်နယ် ရဲတပ်ဖွဲ့ရုံး ဦးစီးအရာရှိ ရဲမှူးကြီး ဆန်းလွင်က“အမှုမှန်ပေါ်ပေါက်ဖို့အတွက် စစ်ဆေးနေတုန်းပဲ ရှိပါသေးတယ်။ ပြီး တော့ အခင်းဖြစ်တုန်းက ဆရာမ ၂ယောက် လက်ထဲမှာ ဆံပင်တွေ တွေ့တယ်။ ကျနော်တို့က အဲဒီမှာ တာဝန် ကျနေတဲ့ စစ်သည် ၂၅ ဦးနဲ့ ရွာသား ၁၀ ဦးရဲ့ ဆံပင်နမူနာတွေကို အုပ်ချုပ်ရေးမှူးရှေ့နဲ့ ခရစ်ယာန် အသင်းတော် ရှေ့က ရယူခဲ့ပါတယ်။ အဲဒါတွေကို နေပြည်တော် မှုခင်းရဲတပ်ဖွဲ့ကို ပို့ထားပါတယ်”ဟု ဧရာဝတီသို့ ပြောသည်။

သို့သော် အခင်းဖြစ်ပွားသည့် နေရာသည် ရဲစခန်းနှင့် ကွာဝေးနေပြီး နယ်မြေ လုံခြုံမှု မရှိသဖြင့် ရဲတပ်ဖွဲ့ဝင်များ အခြေချ ထိုင်ပြီး စစ်ဆေး၍ မရနိုင်ခြင်း၊ တပ်မတော်ထံသို့ လုံခြုံရေး တောင်းခံပြီးမှ သွားရောက် ဆောင်ရွက်နေရခြင်းတို့ကြောင့် အလုပ်မတွင်ကျယ်ဟု သိရသည်။

ရဲမှူးကြီး ဆန်းလွင်က“အမှုမှန်ကတော့ အနှေးနဲ့ အမြန် ပေါ်ပေါက်လာမှာပါ။ တပ်ကတော့ ကျနော်တို့ကို သွားရောက် စစ်ဆေးမယ် ဆိုရင်လည်း ကူညီပေးပါတယ်။ လုံခြုံရေးနဲ့ ပတ်သက်ရင် ဗျူဟာမှူး ကိုယ်တိုင် ဦးစီးပြီး ဆောင်ရွက်ပေး ပါတယ်”ဟု ပြောသည်။

စေတနာ့ ၀န်ထမ်း ကျောင်းဆရာမ ၂ ဦး အသတ်ခံရသည့် အမှုအား မုံပေါ် ပြည်သူ့စစ် အဖွဲ့၊ မှုခင်း ရဲတပ်ဖွဲ့၊ ကောင်းခါး ကျေးရွာ အုပ်ချုပ်ရေးမှူးနှင့် ပန်ဆိုင်းမြို့နယ် ရဲစခန်းတို့ ပူးပေါင်းပြီး ဆောင်ရွက်လျက် ရှိကြောင်း ကောင်းခါးကျေးရွာမှ ဒေသခံ နောနော်က ဧရာဝတီသို့ ပြောသည်။

နောနော်က “ဒီနေ့က ဆရာမ ၂ဦး ဆုံးသွားတဲ့ ဘုရားကျောင်းမှာ ဆုတောင်းပွဲလုပ်ပေးတယ်။ လူသောင်းချီပြီး လာကြတယ်။ ကျနော်တို့ကတော့ အမှုမှန်ပေါ်အောင် ဝိုင်းဝန်း စစ်ဆေးပေးချင်ပါတယ်။ ဒီလို မုဒိန်းကျင့် လူသတ်မှု မပြောနဲ့ မုဒိန်းမှုဆိုတာ ကျနော်တို့ ရွာမှာ တခါမှ မဖြစ်ဖူးဘူး။ KBC က လွှတ်ပေးတဲ့ စေတနာဝန်ထမ်းက ကျနော်တို့ ဒေသမှာ ဒီလိုဖြစ်တော့ ကျနော်တို့ ဒေသအတွက် နာမည်ပျက်ပါတယ်။ ဗျူဟာမှူး ကိုယ်တိုင်ကလည်း အမှုမှန်ပေါ်ထွက်ဖို့ ကူညီမယ်လို့ ပြောပါတယ်”ဟု ပြောဆိုသည်။

အသတ်ခံရသော စေတနာ့ဝန်ထမ်း ကျောင်းဆရာမနှစ်ဦး၏ ခန္ဓာကိုယ်ပေါ်တွင် အမျိုးသား သုက်ရည်များ တွေ့ရပြီး မျိုးဗီဇ(DNA) ကို စစ်ဆေးလျက်ရှိကြောင်း၊ ဆရာမ နှစ်ဦးကို အဓမ္မကျင့်သူသည် အနည်းဆုံး နှစ်ဦး ဖြစ်နိုင်ကြောင်း မူဆယ်မြို့ ပြည်သူ့ဆေးရုံမှ ဝန်ထမ်းတဦးက ဧရာဝတီသို့ ပြောဆိုထားသည်။

စေတနာ့ဝန်ထမ်း ဆရာမ ၂ ဦး ၏ ရုပ်အလောင်းများကို ဇန်နဝါရီလ ၂၀ ရက် ညနေပိုင်းက မူဆယ်မြို့မှ မြစ်ကြီးနားမြို့သို့ သယ်ယူ ၍ မြစ်ကြီးနားရှိ ဂျောဘွမ် ကချင်နှစ်ခြင်း ခရစ်ယာန် သင်္ချိုင်း၌ ဇန်နဝါရီ ၂၃ရက်နေ့ တွင် သင်္ဂြိုဟ်ခဲ့ကြောင်း၊ လူသောင်းချီ၍ တက်ရောက် ခဲ့ကြောင်း သိရသည်။

ထိုကျောင်းဆရာမ ၂ ဦး အသတ်ခံရခြင်းနှင့် ပတ်သက်ပြီး ၂၀၁၅ ခုနှစ် ဇန်နဝါရီ ၂၃ရက် နံနက်ပိုင်းက ရန်ကုန်မြို့ မဟာဗန္ဓုလ ပန်းခြံ တွင် အမျိုးသမီး အခွင့်အရေး တက်ကြွလှုပ်ရှားသူများနှင့် လူ့အခွင့်အရေး လှုပ်ရှားသူများက ဝမ်းနည်းခြင်း အထိမ်းအမှတ် ပန်း ခွေ ချခြင်း အခမ်းအနားတခု ပြုလုပ်ခဲ့ကြသည်။

စေတနာ့ဝန်ထမ်း ကျောင်းဆရာမ ၂ ဦး အသတ်ခံရသည့်အမှု အဖြစ်မှန်ပေါ်ပေါက်စေရန်အတွက်လည်း လူမှုအဖွဲ့အစည်း ကွန်ရက် များကလည်း အမှုကျူးလွန်သူများအား စုံစမ်းစစ်ဆေးပြီး ဖြစ်ရပ်မှန်ကို ချက်ချင်း ဖော်ထုတ်ပေးရန်၊ အမျိုးသမီးများ ပါဝင်သည့် စုံ စမ်း စစ်ဆေးရေး ဖွဲ့စည်းပေးရန် လူ့အခွင့်အရေး ကော်မရှင်ကို တောင်းဆိုသွားမည်ဖြစ်ကြောင်း မြန်မာနိုင်ငံ အမျိုးသမီးများကွန်ရက် (WON) မှ နော်ဆူစန်နာလှလှစိုးက ပြောဆိုထားသည်။

http://burma.irrawaddy.org/news/2015/01/26/70373.html